Taniqli yozuvchi O'lmas Umarbekovning shu nomli asari motivlari asosida yaratilgan mazkur film egizak opa-singillarning ayanchli taqdiri haqida hikoya qiladi.
Kunlarning birida film qahramoni Fotima, kayfu-safoga berilgan akasi Sanjarni kech qolayotligidan havotir olgan holda jahli chiqib turgan otasiga bildirmasdan akasini izlash uchun kech bo'lishiga qaramay ko'cha tomon yo'l oladi. Afsuski, Fotima ko'chada Shohruh boshchiligidagi "to'da"ga duch keladi. Bu "to'da" esa odatdagidek ko'chaga "qizlar ovi" uchun chiqqan edi...
Xullas bu yigitlar o'z shaytoniy xirsini qondirish yo'lida, Fotimani ham badnom qilishadi. Taqdirning hazilini qarangki, mana shu "to'da"ga Fotimaning akasi ham a'zo. Biroq, aynan o'sha kuni Sanjar, me'yoridan ko'p iste'mol qilgan spirtli ichimlik kuchi sababli uyiga yigitlardan vaqtliroq qaytadi.
Fotima esa bu ho'rliklarga, badnomlikka chiday olmay o'z joniga suiqasd qiladi. Mana shu kecha baxtli hayot kechirayotgan Fotima va Zuhra oilasiga katta judoliklarni olib keladi. Sababi, aynan shu kechada Zuhra nafaqat Fotimadan, balki otasi va akasidan ham judo bo'ladi. Zuhrada Faqatgina otasi va akasining bedarak yoqolgani hamda Fotimaning o'limida Shohruh ismli yigit aybdor ekanligidan bo'lak hech qanday ma'lumot yo'q. Zuhra o'ch olishga qaror qiladi: kimdan va qanday qilib?
|